車站

呢件事我想做好耐！但一直無方法去做，終於我想通，要完成這件事，非我一人力量可以辦得到，所以今日我決定召募有興趣朋友，同我一齊去做，名額不限，但岡位要清晰。

講究竟我要做一件什麼事之前，容我再強調多一次 「我不是講笑，鬧著玩」，我是被一股「再不行動，可能永遠無機」的能量推使實行這計劃！

準備好未？還是已經轉到另一網頁？


我一直好想搞一條（或多條）片，是關於世界各地車站的故事，可以只是「一個擦肩而過的相遇」，可以是「隔著月台相戀十年的故事」，可以是「母親送孩子上學的辛酸」，可以是「上班一族逼地鐵的笑話」，可以是「車廂內情痴的表白」可以只是一幅「照片」，可以只是「一個落寞回家的片段」可以是任何關於「車站」的東西...

要製作以上東西，我需要世界各地的「故事」、「演員」、「錄像」、「剪接」、「服裝」、「資金」、「住宿」......還有你認為可以協助完成這件事的岡位



如果你明白我在說什麼，又有適合你的岡位，先留言，讓其他人知道有幾多人參與，然後把資料電郵給我
《 stationbeach@hotmail.com 》
我會聯絡你



以上行動將會進行經年，地方遍及世界各地，亦不一定只是製造一條片，合作形式不苟，無限變數，但唯一肯定的是「這個不是商業行動」

情況會不停更新，亦希望大家幫我宣揚開去~~

嗌

電視劇的人物不快樂時會大嗌「點解？！」現實生活裡，特別是香港，你可找到一個地方大嗌嗎？最方便就當然是入廁所，開滿一洗手盆水，將個頭塞落水裡面，點嗌都無人聽到，女仕們如果驚個妝會化開，將一個咕拿入廁所扮清潔，入廁格掩住個嘴，又係嗌到點大聲都聽唔到！
「點解....」

點解要嗌點解？點解唔開心先要嗌？

希望大家同我一樣，大嗌只因為好開心！「嘩~`~`」

學習

學習：No matter how mad i got at work, i forgot them right out of the office...

學習：Relax ... pushing too hard won't work~`

學習：Don't start to learn any new thing until you can master what's already on your
plate

大佬

要扮「大佬」，首先要有氣勢！







行路要夠誇張，招搖！




落難是依然要保持形像，可以「欷歔」，不得「死狗」，唔好問我兩者有乜分別，大佬話乜就乜！





如果大家覺得以上「扮大佬」的條件我都有，咁就俾兩分薄面大佬，唔好問「大佬！上面幅相究竟想點呀？！」你明大佬做乜，咁你做左大佬啦！

四圍坐

其實我唔鍾意四圍訓，但我由細到大，都好鍾意四圍坐！




細個俾阿媽改果個花名叫做「地拖仔」，因我去到邊坐到邊，好似條地拖咁，幫人四圍拖地...佢成日提我「大個仔」就唔可以隨地坐，由於一直覺得做「大個仔」實在困難，聽到只要唔隨地坐就可以係「大個仔」，貪方便的我，就此再沒有隨處坐，但.....其實唔多覺自己「大個仔」左....










好耐無咁隨意四圍坐，感覺好滿足，我估呢個滿足感係來自，原來自己仲未「大個仔」，畢竟做「小朋友」始終是比較快樂！